Ishte një kontroll rastësor ai që vuri në pranga 26-vjeçarin Roan Brahimi. Policia e Lezhës dhe FNSH kishte dalë për kontrolle kur ndaloi automjetin tip “Lancia”, që drejtohej nga i riu.
Pas kontrollit të automjetit policia gjeti një armë zjarri pistoletë, tip “Bereta” me një krehër me 15 fishekë. Po ashtu në makinë i riu kishte dhe 14.600 Euro së bashku me një sasi bizhuterish.
Policia thotë se Roan Brahimi i ka përfituar këtë sasi euro dhe bizhuterish duke vjedhur.
Mbi 26-vjeçarin tani rëndojnë tre akuza: ” Prodhim dhe mbajtje pa leje e armëve luftarake dhe municionit”, “Vjedhja” , “Përvetësimi i parave ose mallrave që rrjedhin nga vepra penale ose veprimtaria kriminale”.
Shfaq Komentet (0)